Hakerët kinezë vjedhin të dhënat e ushtrisë amerikane
Hakerët pranë qeverisë kineze kanë sulmuar kompaninë e cila ka kontratë me një organizatë ushtarake, e cila merret me hulumtimin në fushën e zhvillimit të nëndetëseve dhe arsenalit nënujor
Ankara
ANKARA (AA) - Hakerët kinezë kanë vjedhur të dhëna shumë të ndjeshme të sigurisë nga kompania e cila është realizuese e një projekti sekret për Marinën Amerikane, transmeton Anadolu Agency (AA).
Televizioni britanik BBC ka publikuar lajmin se hakerët pranë qeverisë kineze kanë sulmuar kompaninë e cila ka kontratë me një organizatë ushtarake, e cila merret me hulumtimin në fushën e zhvillimit të nëndetëseve dhe arsenalit nënujor.
Zyrtarët amerikanë kanë konfirmuar për "Washington Post" se ndër të dhënat e vjedhura janë edhe planet e projektit të raketave supersonike, ndërsa CBS News thekson se sulmet kibernetike kanë ndodhur në janar dhe shkurt të këtij viti.
Po ashtu thuhet se në mesin e të dhënave të vjedhura janë edhe planet për sistemet raketore, të cilat ishin planifikuar të vendosen në nëndetëset amerikane deri në vitin 2020.
Byroja Federale e Hetimit (FBI) ka nisur një hetim në lidhje me rastin.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.