Greqi, mjekët në spitalet publike hyjnë në grevë 48 orëshe

Mjekët që punojnë në spitalet publike në Greqi kanë hyrë në grevë 48-orëshe duke kërkuar shërbime më të mira shëndetësore, raporton Anadolu.

Me kërkesë të Federatës Greke të Shoqatave të Mjekëve të Spitaleve (OENGE), mjekët që punojnë në spitalet publike në të gjithë vendin kanë vendosur të bëjnë grevë sot dhe nesër.

Mjekët kërkojnë përmirësimin e kushteve në shërbimet shëndetësore, rritje të personelit dhe paga më të larta.

Ndërkohë, Federata Greke e Mjekëve të Laboratorit (PERGI) ka shpallur gjithashtu grevë 24-orëshe nesër. Në kuadër të grevës, laboratorët privatë në vend nuk do të ofrojnë shërbim nesër.

Laboratorët kërkojnë pagesa në kohë nga shteti, të cilat i presin sipas marrëveshjeve të tyre të sigurimit.