Etiopia përgatitet për vitin e ri 2011

ADDIS ABABA (AA) - Popullata në Etiopi, shtet në Afrikën Lindore, i cili ka kalendarin unik të saj, përgatitet që të hyjë në "vitin 2011", shkruan Anadolu Agency (AA).

Në çarshitë dhe pazaret e kryeqytetit Addis Ababa ka një lëvizhmëri për vitin e ri që do të festohet më 11 shtator, ndërsa kishat, qendrat argëtuese, restorantet dhe hotelet kanë bërë përgatitje për ndërrimin e motmoteve.

Sikurse çdo vit, edhe këtë vit qeveria e Etiopisë njoftoi amnistimin e 9.000 të burgosurve deri më tani me rastin e vitit të ri.

Data 11 shtator është shpallur festë zyrtare.

Kalendari dhe ora unike

Kalendari i Etiopisë është i bazuar në diellin, ndërsa e ndjek kalendarin gregorian me 7 vjet e 8 muaj dhe 11 ditë.

Kalendari i Etiopisë, ose me termin e vjetër Kalendari Habeshe, llogaritet edhe si kalendar fetar nga të krishterët etiopianë.

Ky kalendar ka ngjashmëri me kalendarin e krishterëve koptik të Egjiptit, ndërsa në të gjenden 12 muaj nga 30 ditë si dhe muaji i 13-të me nga 5 ose 6 ditë të shtuara (epagomenale).

Sipas këtij kalendari, viti i ri festohet çdo vit më 11 ose 12 shtator.

Në Etiopi gjithashtu është në përdorim edhe sistemi i ndryshëm i orës, ku dita përbëhet prej dy pjesëve nga 12 orë. Pjesa e parë prej 12 orëve fillon në mëngjes në ora 06:00 ndërsa pjesa e dytë në ora 18:00.