Erdoğan akuzon Perëndimin për "standarde të dyfishta" ndaj lirisë së medias

Presidenti i Türkiye-s, Recep Tayyip Erdoğan, akuzoi Perëndimin për zbatim të “standardeve të dyfishta” për sa i përket lirisë së medias, raporton Anadolu Agency (AA).

Duke folur në ceremoninë e 7-të të Çmimeve të Medias Anadolu në kryeqytetin Ankara, Erdoğan tha: “Ata që akuzojnë Türkiye-n për censurë, heshtin për ata (Twitter) që bëjnë censurë të vërtetë”.

“Ne të gjithë e dimë se ata që kanë kritikuar demokracinë, të drejtat e njeriut dhe lirinë e shtypit në Türkiye, sa fashistë janë kur bëhet fjalë për veten dhe interesat e tyre”, shtoi Erdoğan.

Ai gjithashtu kritikoi ata që kanë pritur anëtarë të organizatës terroriste FETO të cilët publikuan sekrete shtetërore, duke u paraqitur si gazetarë.

Duke iu referuar protestave të parkut Gezi të vitit 2013, Erdoğan tha se ata që u përpoqën t’i paraqisnin “grabitësit në Türkiye si heronj, i përkufizuan demonstruesit si terroristë kur ngjarje të ngjashme ndodhën në Paris”.