Bota shënon Ditën Ndërkombëtare të Kafesë

Vendet në mbarë botën sot shënojnë Ditën Ndërkombëtare të Kafesë, 1 tetorin, një ditë e vendosur nga Organizata Ndërkombëtare e Kafesë (ICO) në vitin 2015 për të theksuar popullaritetin dhe rëndësinë kulturore të kafesë globalisht, raporton Anadolu.

Më 1 tetor, festimet e kafesë shoqërohen me fushata dhe ngjarje të ndryshme për të nderuar një nga pijet më të konsumuar në botë.

E njohur si origjinale nga Afrika dhe Gadishulli Arabik, kafeja tani kultivohet në vende të ndryshme në kontinente të ndryshme, nga Amerika e Jugut deri në Lindjen e Largët.

Fryti i pemës së kafesë piqet dhe bluhet për ta përgatitur për zierje dhe ekzistojnë metoda alternative për përgatitjen e kafesë, si e ngrohtë ashtu edhe e ftohtë.

Sot, më shumë se 2.25 miliardë filxhanë kafe konsumohen çdo ditë në të gjithë botën dhe afër 50 për qind e të rriturve në të gjithë botën pinë kafe rregullisht.

Prodhuesi kryesor i kafesë është Brazili, ndjekur nga Vietnami, Kolumbia dhe Indonezia.