Biden zhvilloi bisedë telefonike me kreun e OKB-së, Guterres
Biden dhe Guterres në bisedë kanë diskutuar nevojën për një partneritet të fortë midis SHBA-së dhe OKB-së për problemet urgjente globale
New York
Presidenti i zgjedhur i SHBA-së, Joe Biden ka zhvilluar bisedë telefonike me Sekretarin e Përgjithshëm të Kombeve të Bashkuara (OKB), Antonio Guterres, transmeton Anadolu Agency (AA).
Ekipi i Bidenit njoftoi në një deklaratë se Biden ka falënderuar Guterres-in për urimin ndaj fitores së tij në zgjedhjet presidenciale.
Biden dhe Guterres në bisedë kanë diskutuar nevojën për një partneritet të fortë midis SHBA-së dhe OKB-së për problemet urgjente globale siç janë pandemia e koronavirusit të ri (COVID-19), ndryshimi i klimës, ndihma humanitare, zhvillimi i qëndrueshëm, sigurimi i paqes dhe sigurisë dhe zgjidhja e krizave.
Biden gjithashtu shprehu shqetësimin në lidhje me përshkallëzimin e përleshjeve në Etiopi dhe ndikimit ndaj civilëve.