BE-ja do t'i dërgojë 4 avionë zjarrfikës Greqisë

Bashkimi Evropian (BE) do t'i dërgojë Greqisë 4 avionë zjarrfikës, e cila po përballet me zjarre pyjore, transmeton Anadolu.

Sipas lajmeve në mediat greke, BE-ja do të dërgojë 4 avionë zjarrfikës nga Franca dhe Italia në Greqi në kuadër të Mekanizmit të Mbrojtjes Civile.

Avionët pritet të mbërrijnë sot në Greqi.

Ndërkohë, disa vendbanime në Agios Haralambos dhe Panorama rreth Lutrakit janë evakuuar në kuadër të masave të marra kundër zjarreve.

Ndërkaq, në rajonin Saronikos janë lënduar lehtë 3 vullnetarë.

Shërbimi Meteorologjik grek paralajmëroi se rreziku i zjarreve është i lartë edhe sot.

Ministri i Krizës Klimatike dhe Mbrojtjes Civile Vasilis Kikilias dje njoftoi se në 81 pika kanë shpërthyer zjarre, duke shtuar se janë arrestuar 2 persona.