Barinjtë freskojnë devetë në det në ishullin Qeshm, i vendosur pranë ngushticës së Hormuzit në Iranin jugor më 2 qershor 2025, raporton Anadolu.

Barinjtë u bëjnë deveve të tyre "banja deti" gjatë muajve të verës për t'i mbajtur të pastra dhe për të përfituar nga vetitë terapeutike të ujit të kripur.

Herët në mëngjes, grupe devesh udhëhiqen nga barinjtë në plazhin e fshatit Suheil, i njohur për vijën bregdetare mahnitëse, ku ato freskohen në det.

Devetë, të cilat janë burim jetësor të ardhurash për popullsinë vendase, lahen për të ndihmuar në rregullimin e temperaturës së trupit të tyre në vapën intensive dhe për të përfituar nga efektet shëruese të ujit të kripur.

Uji i kripur ndihmon në eliminimin e parazitëve të lëkurës dhe nxit shërimin e plagëve.