Bahrein, shënohet vdekja e parë nga Covid-19

Në Bahrein është shënuar rasti i parë i vdekjes për shkak të koronavirusit të ri (Covid-19), transmeton Anadolu Agency (AA).

Në një deklaratë me shkrim nga Ministria e Shëndetësisë së Bahreinit, thuhet se ka vdekur një grua e moshës 65-vjeçare e cila ka pasur shqetësime kronike.

Më tej thuhet se gruaja që ka ardhur kohë më parë nga Irani është mbajtur nën vëzhgim nga një ekip ekspertësh dhe pavarësisht të gjitha ndërhyrjeve nuk ka arritur të mbijetojë.

Që nga dje është rritur në 214, numri i të prekurve me Covid-19 në Bahrein.