Azerbajxhani: Në operacionin antiterrorist në Karabak 192 ushtarë ranë dëshmorë

Gjatë operacionit anti-terrorist në Karabak humbën jetën 192 pjesëtarë të forcave të sigurisë së Azerbajxhanit, transmeton Anadolu.

Në deklaratën nga Ministria e Shëndetësisë së Azerbajxhanit thuhet se 180 pjesëtarë të personelit të Ministrisë së Mbrojtjes dhe 12 pjesëtarë të personelit të Ministrisë së Punëve të Brendshme kanë rënë dëshmorë në operacion.

Identiteti i 11 ushtarëve dëshmorë do të përcaktohen pas ekzaminimit gjenetik nga ekspertët e mjekësisë ligjore dhe se në operacion janë plagosur 511 ushtarë.

Më tej thuhet se si pasojë e zjarrit të ushtrisë armene gjatë operacionit një civil ka humbur jetë dhe një tjetër është plagosur.

Ushtria e Azerbajxhanit nisi operacion anti-terrorist në Karabak më 19 shtator për të vendosur rendin kushtetues.

Forcat e armatosura të paligjshme armene në Karabak dorëzuan armët e tyre pas një operacioni që zgjati afërsisht 24 orë.