Vakkas Doğantekin
30 Dhjetor 2020•Përditësim: 30 Dhjetor 2020
Senati i Argjentinës sot ka legalizuar abortin deri në javën e 14-të të shtatzënisë, një projekt-ligj i diskutueshëm historik i përshëndetur nga aktivistët pro-zgjedhjes por i dënuar nga grupet fetare në vendin dominues katolik, transmeton Anadolu Agency (AA).
Masa u miratua pas një debati 12-orësh në mëngjes herët me një votim prej 38 me 29, dhe një abstenim. Ndërtesa e Senatit ishte e rrethuar nga kundërshtarë dhe mbështetës që brohorisnin slogane.
Presidenti Alberto Fernandez më parë ka premtuar se do të nënshkruajë projekt-ligjin.
“Aborti i sigurt, i ligjshëm dhe falas është ligj. Kam premtuar ta bëj këtë në ditët e fushatës zgjedhore. Sot ne jemi një shoqëri më e mirë që zgjeron të drejtat për gratë dhe garanton shëndetin publik", tha ai në Twitter pas votimit.
Të mbështetur nga dhjetëra organizata fetare, mijëra anti-abortit në Argjentinë kanë mbajtur demonstrata "Marsh për të palindurit" dhe "Shpëtoni të dy jetët" kundër ligjit që nga nëntori.
Në fillim të dhjetorit, Dhoma e Deputetëve votoi 131 me 117 (6 abstenime) për të miratuar projekt-ligjin.
