Arabi Saudite, rrufeja godet kullën e sahatit në Mekë

Kulla e sahatit 600 metra e lartë në qytetin e shenjtë të Mekës në Arabinë Saudite, gjatë natës u godit nga rrufeja e shoqëruar me bubullima, raporton Anadolu.

Gjatë kohës kur shiu binte i shoqëruar me bubullima në rajonin e Mekës, rrufeja që goditi kullën e famshme të sahatit pranë Xhamisë së Madhe në të cilën ndodhet Qabeja, shkaktoi frikë.

Në pamjet e publikuara në mediat sociale, vërehet se rrufeja e goditi kullën e sahatit nga shumë anë.

Rrokaqielli i njohur si "Burj es-Saah" i cili brenda tij përfshin hotele dhe qendra tregtare dhe ndërtimi i të cilit përfundoi në vitin 2010, me lartësinë e saj 600 metra mban titullin kulla më e madhe e sahatit në botë.