Aleksandar Çeferin, president i ri i UEFA-s

ATHINË (AA) - Presidenti i Federatës së Futbollit të Sllovenisë, Aleksandar Çeferin, u zgjodh president i ri i UEFA-s, raporton Anadolu Agency (AA).

Në Kongresin e UEFA-s që u mbajt në Athinë të Greqisë, Çeferin mori mbështetjen e 42 Federatave kombëtare nga gjithsej 55 anëtare të UEFA-s.

Ndërsa garuesi tjetër Presidenti i Federatës së Futbollit të Holandës, Michael Van Praag siguroi 13 vota.

Çeferin në fjalimin e shkurtër pas votimit, shprehu falënderimet e tij për të gjithë mbështetësit. Ai theksoi se zgjedhja e tij si president ka një kuptim të rëndësishëm për të. "Familja ime dhe Sllovenia 'e vogël dhe e bukur' krenohen", tha ai.