AA filmon nga ajri pikat e konfliktit në jug të Tripolit
Pas armëpushimit të vendosur më 12 janar me thirrjen e bërë nga Turqia dhe Rusia, në rajon janë ndërprerë shpërthimet e fuqishme
Tripoli
Anadolu Agency (AA) ka filmuar nga ajri rajonin Remle në të cilin kanë ndodhur konflikte të ashpra para armëpushimit në kryeqytetin e Libisë, Tripoli.
Rajoni Remle i cili ndodhet pranë ish-aeroportit në jug të Tripolit, para armëpushimit ishte pjesë e konflikteve intensive mes milicëve të lidhur me liderin e forcave të armatosura jolegjitime në lindje të Libisë, Khalifa Haftar dhe forcave të Qeverisë së Pajtimit Kombëtar (GNA) e cila është përfaqësuese legjitime e Libisë.
Pas armëpushimit të vendosur më 12 janar me thirrjen e bërë nga Turqia dhe Rusia, në rajon janë ndërprerë shpërthimet e fuqishme.
- Në rajon mbizotëron qetësia
Tashmë rajoni Remle ngjan me një zonë fantazmë për shkak të largimit të civilëve të cilët gjatë konflikteve u përballën me rrezikun e jetës. Në rajonin i cili dikur ishte një nga lagjet më të frekuentuara të Tripolit, tani mbizotëron qetësia.
Pavarësisht se Haftari nuk e ka nënshkruar marrëveshjen e armëpushimit, në Libi që nga 12 janari e deri më tani mbetet e vlefshme një situatë kryesisht jo-konfliktuale.