Shkup, mbahet programi i hapjes së “Shkollës Rinore Köprü 2024”

Në Shkup, me mbështetjen e Drejtorisë për diasporë dhe komunitete të afërta të Türkiyes (YTB), është mbajtur programi i hapjes së projektit “Shkolla Rinore Köprü 2024”, raporton Anadolu.

Në ngjarjen që u zhvillua në Kurshumli Han morën pjesë përfaqësues të Ambasadës Turke në Shkup, zv/ministri i Kulturës i Maqedonisë së Veriut, Onur Ali, përfaqësues të institucioneve dhe organizatave turke në vend, si dhe nxënës dhe studentë.

Mehmet Arif, nënkryetar i shoqatës Köprü dhe koordinator i projektit të Shkollës Rinore Köprü, i njoftoi gazetarët se projekti zbatohet me mbështetjen e YTB-së që nga viti 2016.

Arif theksoi se projekti është hartuar si një program gjithëpërfshirës i arsimit për nxënësit e shkollave të mesme dhe studentët që jetojnë në Maqedoninë e Veriut, duke përfshirë arsimin, punëtoritë, udhëtimet kulturore dhe programet në fushën kulturore dhe artistike.

“Këtë vit garuan gjimnazistët tanë dhe studentë që studiojnë në Shkup nga qytete të ndryshme të Maqedonisë së Veriut. Kemi pranuar gjithsej 190 aplikime dhe kemi pranuar 180 prej tyre. Kemi 7 seminare, duke përfshirë ato për letërsinë, drejtësinë, qytetërimin, artet e bukura. Pjesëmarrësit do të trajnohen dhe do të ndjekin seminare në këto punëtori për një periudhë prej 2 deri në 3 muaj", tha Arif.

Duke njoftuar se gjatë periudhës së verës do të organizojnë një udhëtim kulturor në Ballkan apo Türkiye për studentët që do të ndjekin seminaret, Arif theksoi se qëllimi i projektit tradicional është që t'u jepet përparësi vlerave kombëtare-shpirtërore dhe të ofrojë trajnime për ekspertizë në karrierë duke synuar fushat e interesit të të rinjve.

Koordinatori i Institutit "Yunus Emre" - Shkup, Talip Erdoğan, theksoi se si institut aktivitete të tilla zhvillojnë në rreth 90 rajone të ndryshme të botës. Ai tha se bashkatdhetarët turq në Shkup vazhdojnë të mbështesin kulturën turke, me qëllim të ruajtjes së saj.

“Me shkollën verore të organizuar nga shoqata Köprü, të rinjtë tanë do të njihen dhe do të miqësohen. Duke siguruar një vend në këtë proces, ne i ndihmojmë ata të bashkohen, të vijnë në një vend. Puna jonë vazhdon me qëllimin që bashkatdhetarëve tanë dhe njerëzve të tjerë që jetojnë këtu t'u mundësojmë të mësojnë gjuhën turke, të njohin nga afër kulturën turke dhe të rrisin kontaktet me ne", tha Erdoğan.

Në kuadër të manifestimit u shpërndanë edhe certifikata, ndërsa tre nga vizitorët e këtij projekti vitin e kaluar ndanë përshtypjet e tyre.