Greqi, prej 4 ditësh vazhdojnë zjarret

Ndërsa zjarret në Greqi vijojnë edhe në ditën e katërt, në Aleksandropolis spitali universitar i qytetit u evakuua për shkak të zjarrit, transmeton Anadolu.

Zjarri që shpërtheu në Aleksandropolis më 19 gusht nuk mundi të vihej nën kontroll edhe në ditën e katërt për shkak të erërave të forta që ishin efektive në rajon.

Pas zjarrit që iu afrua kopshtit të Spitalit Universitar të Aleksandoupolis, disa nga pacientët u transferuan në spitalet në provincat e afërta me ambulanca. Disa pacientë, duke përfshirë rreth 30 persona të trajtuar në njësinë e kujdesit intensiv, u transferuan në tendat e ngritura në Aleksandropoli dhe në traget.

Pas evakuimit, nga spitali dolën zëra shpërthimi, që thuhet se u shkaktuan nga bombolat e oksigjenit.

Shtëpia e të moshuarve për 130 persona në Alexandroupoli u evakuua si masë paraprake pasi po afrohej zjarri.

Shumë shtëpi dhe ndërtesa u dogjën në rajonet e Aleksandoupolit dhe Meriçit dhe u dëmtuan zona bujqësore.

Shumë vendbanime u evakuuan për arsye sigurie.

Zjarr në Aspropirgos

Një zjarr ka rënë edhe në Aspropirgos, në veriperëndim të Athinës. Shërbimet e trenit Kineta-Ano Liosia janë ndërprerë për shkak të zjarrit në tre pika.

Gjithashtu janë evakuuar edhe disa vendbanime në Aspropirgos.

Zjarri në Rodop është larguar nga vendbanimet

Në provincën Rodop të Thrakisë Perëndimore, ku ndodhet Komotini dhe fshatrat e saj, zjarri që ka përfshirë dje fshatrat e mbizotëruar nga turqit sot është kthyer drejt zonës malore.

Në fshatra u dogjën shumë shtëpi dhe automjete.

Vazhdon zjarri në Viotia, 2 persona kanë humbur jetën ditën e djeshme

Nuk ka mundur të vihet ende nën kontroll zjarri në Vioti, ku një person humbi jetën ditën e djeshme si pasojë e zjarrit. Ndërsa shumica e njësive të banimit në rajon u evakuuan, shumë shtëpi dhe automjete u shkatërruan nga zjarri.

Një bari që përpiqej të mbronte kafshët e tij nga flakët në rajonin e Viotias, rreth 120 kilometra në veri të Athinës, dhe një emigrant në vendbanimin Lefkimi (Kavacık) pranë Dadias në rajonin e Maritsa-s (Meriç), rreth 20 kilometra nga kufiri turk, vdiqën për shkak të zjarrit.