АДАНА
Претседателот на Големото народно собрание на Турција Мустафа Шентоп зборуваше на церемонијата по повод 100 годишнината од Конгресот во Позанти, јавува Агенција Анадолија (АА).
Зборувајќи дека кон татковина, земјата, растенијата, луѓето, архитектурата, културата и начин на живот му пристапуваат со голема чувствителност, Шентоп истакна:
„За време на овие илјада години, вложивме големи напори служејќи и на земјата, луѓето и културата на просторите на кои се наоѓавме. Нашата голема држава, Отоманската империја, со стотици години ја заштити верата на локалното население, ги заштити локалните јазици, локалната архитектура, културата и уметноста на териториите на кои се наоѓаше. И стотици години подоцна од териториите од кои се повлековме, секој што живее на тие територии, продолжи со својата вера, својот јазик, култура и уметност без да постои било каков прекин. Отсекогаш дававме незаборавни примери како треба да се биде заштитник на мирот, спокојот, човековата слобода и личност.
Пред сто години, со секоја честичка, со секоја клетка што ја поседуваме им дадовме соодветен одговор и лекција што ја заслужуваат на оние кои сакаат да направат инвазија и да ги окупираат териториите на нашата татковина. А каде се оние што дојдоа да ја окупираат Адана и нејзината околина пред сто години? Што направија тие? Зборувам за Французите.
Французите, кои колонијалистички, брутално и без почит пристапија кон луѓето поинакви од нив, точно пред 75 години на денешен ден спроведоа огромен масакр во Алжир. Франција која за време на II. Светска војна беше окупирана од нацистичка Германија, побара помош и поддршка од алжирската младина која беше под нејзина колонизација. Дури ѝ ветија независност на Алжир, но откако Франција се спаси од окупацијата, прва нешто што го спроведе беше масакр во Алжир. Франција, која не можеше да ѝ спротивстави на нацистичка Германија, од окупацијата не се ослободи благодарение на свој национален отпор, туку благодарение на помошта од Англија и САД, а првото нешто што го направи по ослободувањето беше напад на Алжир.
'Kul kullun ya'melu ala şakiletih' - Секој го прави она што соодветствува на неговиот карактер. Истата Франција ја видовме и во ’90 години од минатиот век во масакрот што беше направен во Руанда“.
Наведувајќи дека Франција е отворено обвинета во извештајот на Обединетите нации, Шентоп рече дека истата Франција и денес е заедо со пучистичките предавници, кои се побуниле против легитимната влада на Либија.
„Смелото кревање на главата не може да ја одбрани Франција за зеземениот став“ изјави Шентоп и продолжи:
„Токму спротивно на тоа, Франција се обидува со наводно обвинување на Турција да го прикрие својот валкан став. На ист начин и во Сирија, ја потпомага и ја поттикнува терористичка организација ПКК. Терористите на ПКК се пречекуваат во претседателската палата. Се разбира, во исто време таа преку централната банка продолжува да го краде националното богатство, вложената пот и солзите на убавите луѓе на Африка. Франција е последната држава на светот која може да зборува за човековите права, законот, правдата и неправдата. Историјата на последните два века покажува дека Франција не може да ги избрише црнилата од своето лице, ниту пак дамката на своето чело. 21. век би можел да биде век на извинување на Франција за спроведените масакри, геноциди, прогони, нејзината суровост и окупација во изминатите два века. Можеби овој век би бил доволен“.
Нагласувајќи дека по еден век светот е сменет, Шентоп истакна:
„Турција порасна, процвета, стана моќна, и измина огромни растојанија благодарение на својата принципиелна, етичка и фер меѓународната политика заснована врз мир и солидарност. Таа стана гласот на правдата и врисокот на унетуваните во светот. Нашиот претседател стана симбор на лидер, кој со својата упорност и правичност, на сите меѓународни платформи инсистира на фер меѓународен поредок. Особено за време на пандемијата, ние им помогнавме на повеќе од 100 земји во светот, вклучувајќи ги тука и европските земји, а не само на сопствениот народ, давајќи најдобар пример на меѓународна солидарност. Додека ние го правевме тоа, некои западни земји едни од други земаа медицински материјали, конфискувајќи ги. Секој го прави она што соодветствува на неговиот карактер. На прагот сме на еден нов свет. Со упорност и решителност, со единство и заедништво и со меѓународна солидарност ќе ги браниме и ќе ги издигнеме на повисоко ниво правото, правдата, законот, моралот и хуманоста. Со решеноста поставена од пред еден век. Со решеноста и тврдења кои се кренаа од Позанти пред сто години“.
„Конгресот во Позанти и Националната борба како една целина се показател за волјата на нашата нација за целосна слобода, целосна независност, љубовта кон слободата, без оглед колку се тешки условите“, рече Шентоп во своето обраќање.
Претседателот на турското Собрание истакна дека повторно се собрале точно на 100 годината од Конгресот во Позанти кој претставува еден од најзначајните чекори и најчувствителните стратешки потези направени во историјата на Национална борба и Големото национално собрание на Турција.
Изразувајќи дека Позанти имал стратешка позиција за доминација во регионот Чукурова и Сирија и иднината на Анкара и Националната борба, Шентоп рече дека во исто време тој е и важен центар за испорака, бидејќи се наоѓал на местото каде што завршувала анадолската железница.
Шентоп рече дека заради ваквата стратешка позиција, за време на Првата светска војна, потребите на војниците на ирачките и сириските фронтови беа задоволени со материјали испорачани од Позанти.
Шентоп потсети дека Мустафа Кемал Паша, кој добро ја познавал стратешката важност на Позанти, го поддржал конгресот во Позанти со цел да се реорганизира фронтот во регионот делумно окупиран од Французите.“
- Експлозијата во Бејрут
Шентоп во своето обраќање зборуваше и за дневнополитичките настани во светот, истакнувајќи „Има една држава именувана како Обединети Арапски Емирати. Претходните денови еден нејзин претставник, министер за надворешни работи, кажа купишта обвинувања дека Турција се меша во внатрепните работи на арапите. По I. и II. Светска војна во одредени места од светот беа формирани таканаречени параван држави. Некои империјалистички држави се обидуваат да спроведуваат активности преку овие држави.
Една од нив е државата, чиј министер зборуваше за теми кои го надминуваат неговото ниво“.
Во врска со експлозијата во Бејрут, Шентоп го рече:
„Голема експлозија, потребно е малку време за да се открие причината за експлозијата. Продолжуваат активностите за отстранување на урнатините. Изразувам сочувство до либанскиот народ, со желби за што поскоро оздравување на повредените. Нашиот претседател се состана со либанскиот претседател. Од наша страна е изразена подготвеност за помош при отстранување на остатоците од експлозијата и други работи доколку тоа биде побарано. По ова прашање се очекува барање од нивна страна“.
- Договор за нафта помеѓу американска компанија и ЈПГ/ПКК
За нафтениот договор меѓу американска компанија и ЈПГ/ПКК, Претседателот на турското Собрание Мустафа Шентоп изјави:
„Целата земја и нејзиното цело национално богатство му припаѓаат на сирискиот народ. Затоа, терористичка организација која се обидува да преживее со поддршка од страна на САД и Франција нема право ова подземно богатство на сирискиот народ да им го предаде на други земји како благодарност за укажаната поддршка.
Овој договор е невалиден, но многу е жално што држава како САД е една од страните на овој договор кој од правен аспект е нелегитимен, а во исто време соработува со организација која со децении спроведува терористички активности против Турција. Се надевам дека ќе се вратат од оваа сериозна грешка“.
