АНКАРА / ИСТАНБУЛ (АА) - Турскиот министер за надворешни работи, Мевлут Чавушоглу, изјави дека се надева дека администрацијата на американскиот претседател Џо Бајден ќе се врати на Договорот за нуклеарната програма со Иран и дека ќе биде укинато ембаргото против таа земја, јавува Агенција Анадолија (АА).
Чавушоглу денес се сретна со својот ирански колега Џавад Зариф, одржувајќи тет-а-тет средба и средба меѓу делегации. По средбите двајцата министри одржаа заедничка прес-конфернцијата во палатата Долмабахче во Истанбул.
Чавушоглу рече дека било разговарано за билатералните односи и истакна дека станало збор за тоа на кој начин треба да се организираат состаноци што не можат да се спроведат поради епидемијата на новиот вид коронавирус (Ковид-19).
Турскиот министер, нагласувајќи дека Турција уште од самиот почеток го поддржува иранскиот Договор за нуклеарната програма, истакна дека како земја го дале својот придонес, дури и пред да биде потпишан Договорот.
Тој потсети дека поранешниот американски претседател Доналд Трамп се повлече од Договорот, и изрази надеж дека администрацијата на бајден ќе се врати на Договорот.
„Се надевам дека администрацијата на Бајден ќе се врати [на Договорот за нуклеарната програма]. На тој начин блокадите кон братскиот Иран ќе бидат уникати.“
Чавушоглу подвлече дека Турција во овој поглед е подготвена да му даде секој вид поддршка на Иран.
- Киднапирани членови на екипаж во Гвинејскиот Залив -
Во своето обраќање, министерот за надворешни работи, Чавушоглу, за членовите на турскиот екипаж на бродот киднапирани во Гвинејскиот Залив, рече: „Дознавме дека се добро. Наскоро ќе дадеме добри вести“, додавајќи дека не може да даде подетални информации за процесот.
Чавушоглу, споделувајќи ги информациите дека три члена од бродскиот екипаж денеска со авион на „Туркиш ерлајнс“ (ТХЈ) ќе бидат вратени во Турција, рече дека вчера новиот тим стигнал до подрачјето.
Министерот изјави дека по налог на претседателот на Турција, Реџеп Таип Ердоган, формирана е меѓуинституционална работна група која е испратена во регионот.
