Чавушоглу за коридорот за извоз на жито од Украина: „Може да се отворат безбедни коридори на места каде што нема мини“

АНКАРА (АА) - Министерот за надворешни работи на Туркије (Турција), Мевлут Чавушоглу, истакнувајќи дека нема потреба од расчистување на мините за да може Украина да извезува жито преку Црното Море, рече дека може да се отворат безбедни линии, јавува Агенција Анадолија (АА).

Чавушоглу одговараше на прашањата на новинарите пред состанокот на парламентарната група на АК Партијата.

На прашањето дали сигналот од Шведска за борбата против тероризмот е важен за Турција, Чавушоглу истакна дека Турција своите очекувања и загриженост ги пренесе во писмена форма и очекува конкретен одговор.

Истакнувајќи дека напор прави и Секретаријатот на НАТО со кој се во контакт, Чавушоглу нагласи: „Не само закон, ние јасно писмено напишавме што очекуваме за тие прашања. Сега од нив чекаме писмен одговор.“

Посочувајќи дека генералниот секретар на НАТО, Јенс Столтенберг, ја изразил својата загриженост за Турција, која е сојузник на НАТО, Чавушоглу рече: „Столтенберг отсекогаш ги изразувал своите искрени размислувања и за С400 и за други прашања. За време на неговите посети на Шведска и Финска, рече дека треба да се решат проблемите на Турција, и вложува напори за тоа. Тој е во постојан контакт со нас и со нив, па затоа напорите на Столтенберг ги сметаме дека се за пофалба.“

На прашањето за создавањето коридор за извозот на жито од Украина, Чавушоглу нагласи дека планот на ОН е остварлив и дека се чека одговор од Русија.

Нагласувајќи дека Турција го поддржува планот на ОН, Мевлут Чавушоглу рече: „Доколку страните се договорат, рековме дека можеме да се сретнеме во Истанбул за да разговараме за деталите.“

Министерот за надворешни работи, Чавушоглу, во врска со мините во појасот на Црното Море на Украина додаде:

„Според последниот план на ОН, ќе биде потребно извесно време да се исчистат овие мини. Со оглед на тоа дека се знае каде се мините, ќе се воспостават безбедни линии на три пристаништа, така што бродовите ќе одат до пристаништата безбедно, без потреба да ги исчистат мините. Бродовите ќе бидат пратени од бродовите за пребарување и спасување на Украина и ќе бидат безбедни од пристаништата. По пристигнувањето во безбедната зона, бродовите ќе бидат контролирани. Во моментот нема потреба да се расчистуваат мините според планот. Може да се отворат безбедни коридори на места каде што нема мини.“