Фидан оствари телефонски разговор со својот француски колега, разговараа за регионалните прашања

АНКАРА / ИСТАНБУЛ (АА) - Турскиот министер за надворешни работи, Хакан Фидан, денес оствари телефонски разговор со својот француски колега Жан-Ноел Баро, со кого разговараше за регионалните случувања, соопштија турски дипломатски извори, јавува Анадолу.

Двајцата шефови на дипломатијата разговарале за начините за намалување на тензиите во регионот, рекоа изворите, додавајќи дека биле разгледани и конкретни чекори што треба да се преземат за да се стави крај на нападите.

Претходно, Фидан оствари телефонски разговори со својот азербејџански и бугарски колега.

САД и Израел започнаа напад врз Иран во саботата, при што се убиени неколку високи ирански лидери, вклучувајќи го и врховниот лидер, ајатолахот Али Хаменеи.

Како одговор на тоа, Техеран возврати со напади со беспилотни летала и ракети насочени кон Израел, како и кон регионалните земји во кои се наоѓаат американски бази.