Gözde Bayar
09 Февруари 2021•Ажурирај: 09 Февруари 2021
БАЛИКЕСИР
Најмалку 12 лица осомничени за поврзаност со терористичката организација ФЕТО се фатени во Турција, јавува Агенција Анадолија (АА).
„Лицата се приведени откако обвинителите во северозападната област Баликесир издадоа налози за приведување на 13 осомничени лица како дел од истрагата во цивилното крило на ФЕТО", вели изворот кој зборуваше под услов да остане анонимен.
Припадниците на жандармеријата извршија операции низ шест области и приведоа 12 осомничени лица, додека напорите за да се фатат останатите припадници се во тек.
ФЕТО и нејзиниот водач Фетула Ѓулен, кој живее во САД, стојат зад неуспешниот обид за пуч во Турција на 15 јули 2016 година, во кој загинаа 251 лице, а скоро 2.200 лица беа повредени.
Терористичката ФЕТО стои и зад долготрајната кампања за уривање на државниот поредок преку инфилтрирање на своите поданици во турските институции, особено во војската, полицијата и судството.
