Турција остро го осуди уривањето на домовите во Источен Ерусалим од страна на Израел
- Министерството за надворешни работи на Турција: - „(Во однос на уривањата на Израел во Источен Ерусалим) Остро ги осудуваме ваквите дејства за промена на демографската структура на Ерусалим“
АНКАРА
Турција остро го осуди уривањето на домовите на Палестинците во Источен Ерусалим од страна на Израел, пренесува Anadolu Agency (AA).
„Уривањето на некои палестински куќи во Источен Ерусалим, окупиран од Израел, е нова манифестација на израелската политика за окупација и агресија. Ние остро ги осудуваме ваквите дејства за промена на демографската структура на Ерусалим“, се истакнува во соопштението на Министерството за надворешни работи на Турција.
„Овие нелегитимни дејства, кои ја поткопуваат визијата за решение со две држави, мора веднаш да бидат запрени“, се вели во соопштението и се додава:
„Ја повикуваме меѓународната заедница да го почитува историскиот и правниот статус на Ерусалим и да ги преземе неопходните чекори за заштита на правата на палестинскиот народ.“
На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.