Merve Gül Aydoğan Ağlarcı
04 Јуни 2020•Ажурирај: 05 Јуни 2020
АНКАРА
Заменик-министерот за внатрешни работи, Исмаил Чатакли, денеска изјави дека во мај низ Турција биле неутрализирани 78 терористи, јавува Агенција Анадолија (АА).
Чатакли на месечната прес-конференција изјави дека во неутрализираните терористи спаѓале четворица кои се наоѓале во портокаловата категорија на листата на барани терористи, додека шест неутрализирани терористи спаѓале во сивата категорија.
Листата на барани терористи се дели во пет категории по боја - црвената е најбарана категорија, следуваат сина, зелена, портокалова и сива.
Во својата над 30-годишна терористичка кампања против Турција, ПКК, која се наоѓа на листата терористички организации во Турција, Соединетите Американски Држави (САД) и Европската Унија (ЕУ), одговорна е за смртта на околу 40.000 луѓе, меѓу кои се наоѓаат и деца и жени.
