Турција: Во Анталија ќе биде изложен модел на антички брод

АНКАРА (АА) - Реплика на антички брод изработена од германски археолог ќе биде закотвена на брегот на турскиот брег на Средоземното Море, јавува Anadolu Agency (AA).

Доминик Горлиц ја изработи репликата „Abora-IV“, користејќи трска, инспириран од антички цртеж на карпа во Нубиската Пустина, источно од пустината Сахара.

Бродот ќе биде претставен вечерва во античкиот град Патара, во Анталија, кое важеше за средиште на египетските трговци во античко време.

Проектот има за цел да претстави како египетските морепловци во тоа време стигнале до пристанишните градови на Црното Море со мали рачно изработени пловила.

Бродот, долг 14 метри, е изграден во Варна, Бугарија, со трска донесена од Боливија.

Своето патување го започна од пристаништето во Варна на 1 август и стигна до турскиот северозападен брег на Чанаккале минувајќи преку Босфорот. Ова беше првото патување.

Горилиц, воедно и капетан на бродот, го посети Универзитетот „18 Март“ во Чанаккале за симпозиум.

Тој ќе го подари бродот на Турција по завршувањето на патувањето по Медитеранот.

Турското Министерство за култура и туризам го прифати овој благороден подарок.

Бродот „Abora-IV“ вечерва ќе биде пречекан со свечена церемонија на пристаништето во Каш, Анталија.

Претставувањето на бродот е на иницијатива на турскиот заменик-министер за надворешни работи, Фарук Кајмакџи.