Турските сили неутрализираа 15 терористи на ПКК/ЈПГ во подрачјето на „Извор на мирот“

АНКАРА

Турските безбедносни сили неутрализираа 15 терористи на ПКК/ЈПГ во подрачјето на операцијата „Извор на мирот“, во северниот дел на Сирија, известува Агенција Анадолија (АА).

Во соопштението на турското Министерство за одбрана се наведува дека ѝ е зададен уште еден тежок удар на терористичката организација ПКК/ЈПГ.

„Во успешна интервенција турските командоси неутрализираа 15 терористи на ПКК/ЈПГ, кои се обидувале да навлезат во јужниот дел на подрачјето од ‘Извор на мирот’. Им честитаме на нашите храбри командоси“, се вели во соопштението на турското Министерство за одбрана.