Merve Gül Aydoğan Ağlarcı
04 Мај 2023•Ажурирај: 05 Мај 2023
АНКАРА (АА) – Нагласувајќи дека ќе продолжат напорите на Туркије со сите средства против прекуграничните закани и опасности, турскиот министер за одбрана, Хулуси Акар, денес изјави дека турските безбедносни сили во изминатите 10 дена неутрализирале речиси 50 терористи во северна Сирија и Ирак, јавува Анадолу.
„Според вестите што штотуку ги добивме, осум терористи се неутрализирани синоќа во северна Сирија. Со тоа, бројот на неутрализирани терористи во последните 10 дена достигна речиси 50“, рече Акар на настан во централната турска област Кајсери.
Потсетувајќи на успесите на турските војници во борбата против тероризмот во тие региони, Акар рече дека заканите од терористичките организации кон Туркије продолжуваат и покрај решителните напори на турските војници против терористичката организација ПКК и нејзините ограноци.
„Тие се обидуваат да го загрозат нашето единство, солидарноста, суверенитетот и безбедноста. Со спроведените антитерористички операции, од 24 јули 2015 година неутрализирани се најмалку 37.793 терористи“, додаде тој.
Истакна дека ќе продолжат напорите за борба против тероризмот додека границите на Туркије не бидат безбедни, и сè додека луѓето не се безбедни.
Во својата над 35-годишна терористичка кампања против Туркије, ПКК, којашто е ставена на листата на терористички организации од страна на Туркије, САД и ЕУ, е одговорна за смртта на над 40.000 луѓе, вклучувајќи деца и жени. Таа, исто така, има огранок во северна Сирија познат како ЈПГ.
