Турскиот претседател повика на единство против растечката исламофобија во западните земји

АНКАРА (АА) - Турскиот претседател Реџеп Таип Ердоган ја истакна потребата од колективна акција во однос на ескалацијата на исламофобијата и ксенофобијата во западните земји, јавува Анадолу.

„Пакосниот напад врз нашата света книга, Куранот, во Шведска на првиот ден од Курбан бајрам ги открива застрашувачките димензии на исламофобијата“, рече тој во видеото пратено на Гала вечерата на 46. годишна конвенција на Асоцијацијата на лекари со пакистанско потекло во Северна Америка.

Ердоган ја нагласи одговорноста на сите муслимани да спречат тоа да се повтори.

„Сите ние, сите муслимани, имаме голема одговорност да се погрижиме таквите дејства, на кои реагираме многу силно во Туркије, да не се повторат. Ако се однесуваме како едно срце и еден зглоб, никој во светот нема да се осмелува да ги напаѓа светињите на муслиманите“, рече турскиот претседател.

Тој, исто така, ја нагласи силната врска меѓу Туркије и Пакистан како два братски народа, истакнувајќи ги исклучителните односи меѓу двете земји.