РИЈАД (АА) - Турскиот претседател Реџеп Таип Ердоган денес замина од саудиската престолнина Ријад за Каиро, Египет, во рамките на неговата официјална посета на земјата, јавува Анадолу.

„Ердоган вчера се состана со саудискиот принц Мухамед бин Селман во Ријад“, изјави турскиот директор за комуникации Бурханетин Дуран.

На официјалната посета на Саудиска Арабија, Ердоган беше придружуван од турската прва дама Емине Ердоган, министерот за надворешни работи Хакан Фидан, министерот за финансии Мехмет Шимшек и министерот за одбрана Јашар Ѓулер, како и други министри.

Турскиот претседател е на пат кон Каиро на покана од египетскиот претседател Абдел Фатах ел-Сиси, при што ќе копретседава со вториот состанок на Советот за стратегиска соработка на високо ниво меѓу Турција и Египет.

За време на посетата на Египет се очекува Ердоган и Сиси да разговараат за билатерални прашања и да разменат мислења за регионалните и меѓународните случувања, со посебен фокус на Палестина.

Ердоган за време на посетата на Каиро, исто така, планира да присуствува на бизнис-форумот меѓу Турција и Египет.