Турскиот потпретседател Октај: „Укинувањето на ембаргото за вооружување на грчки Кипар го труе регионалниот мир“

АНКАРА (АА) - Турскиот потпретседател Фуат Октај истакна дека укинувањето на американското ембарго за вооружување на грчката администрација на Јужен Кипар е штетно за регионалниот мир и стабилност, јавува Агенција Анадолија (AA).

„Укинувањето на ембаргото го труе регионалниот мир и стабилност“, рече Октај на вебинарот организиран од Фондацијата за политички, економски и социјални студии (СЕТА) во Вашингтон.

САД во вторникот соопштија дека делумно го укинуваат ембаргото за оружје за кипарските Грци. Одлуката доби остра осуда од Турција затоа што ги игнорира рамноправноста и рамнотежата меѓу двата народа на островот.

Во обраќањето Октај се осврна и на поморскиот договор меѓу Турција и Либија, за кој рече дека е црвената линија на Анкара во Источниот Медитеран.

Октај предупреди дека никој не може да го доведе во прашање договорот, а особено не Франција.

Значајниот договор потпишан во ноември минатата година ги утврдува поморските граници меѓу двете земји за воспоставување ексклузивна економска зона.