КАИРО (АА) - Турскиот претседател Реџеп Таип Ердоган денес пристигна во Каиро, Египет, во рамките на неговата официјална посета на земјата, по неговата посета на Саудиска Арабија, јавува Анадолу.
Ердоган беше пречекан од неговиот египетски колега Абдел Фатах ел-Сиси, првата дама на Египет, Ентисар Амер, заедно со амбасадорот на Турција во Каиро, Салих Мутлу Шен.
Ердоган е придружуван од турскиот министер за надворешни работи Хакан Фидан, министерот за одбрана Јашар Ѓулер, министерот за трезор и финансии Мехмет Шимшек, министерката за семејство и социјална политика Махинур Оздемир Ѓокташ, министерот за енергетика и природни ресурси Алпарслан Бајрактар, министерот за индустрија и технологија Мехмет Фатих Каџир, министерот за млади и спорт Осман Ашкин Бак, министерот за здравство Кемал Мемишоглу, директорот за комуникации Бурханетин Дуран и главниот советник на претседателот Акиф Чагатај Килич и други официјални претставници.
Вчера, Ердоган оствари средба со саудискиот престолонаследник Мухамед бин Селман во Ријад во рамките на неговата посета на Саудиска Арабија.
Турскиот претседател е во Каиро на покана на Сиси за копретседавање со вториот состанок на Советот за стратешка соработка на високо ниво меѓу Турција и Египет.
За време на посетата на Египет, се очекува Ердоган и Сиси да разговараат за билатерални прашања и да разменат мислења за регионалните и меѓународните случувања, со посебен фокус на Палестина.
Ердоган, за време на неговата посета на Каиро, планира да присуствува и на бизнис-форумот меѓу Турција и Египет.
