Турскиот министер Фидан на состанокот на ОИС: „На Палестинците им е потребна нашата колективна акција“
Говореjќи на состанокот на Советот на министри за надворешни работи на ОИС во Џеда, Фидан ја нагласи важноста на „координираниот притисок“ за да се принуди Израел кон трајно решение
ИСТАНБУЛ (АА) – Палестинскиот народ има потреба од „наша колективна акција“, изјави турскиот министер за надворешни работи Хакан Фидан денес на отворањето на вонредниот состанок на Организацијата за исламска соработка (ОИС) за Газа, јавува Анадолу.
Говореjќи на состанокот на Советот на министри за надворешни работи на ОИС во Џеда, Фидан рече: „Она што му е потребно на палестинскиот народ е наша колективна акција“.
Тој, исто така, ја нагласи важноста на „координираниот притисок“ за да се принуди Израел кон трајно решение.
Состанокот на ОИС, со кој претседава турскиот врвен дипломат, ќе се фокусира на тековните израелски акции во Газа и има за цел да ги координира ставовите и одговорот на земјите членки.
Израел уби речиси 62.700 Палестинци во Газа од октомври 2023 година. Воената кампања ја опустоши енклавата, која се соочува со глад.
На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.
