Туркије: Приведени тројца припадници на терористичката ФЕТО при обид за бегство во Грција

ЕДРЕНЕ (АА) – Три лица осомничени дека се припадници на терористичката организација ФЕТО се фатени при обид да побегнат во Грција од Туркије, соопштија денес безбедносни извори, јавува Агенција Анадолија (АА).

Лицата се приведени од турските сили во подрачјето на Узунќопру во северозападната турска област Едрене, соопштија изворите кои побараа да останат анонимни.

Изворите додадоа дека осомничените се соочуваат со обвиненија за „членување во вооружена терористичка организација“.

ФЕТО стои зад обидот за пуч во Туркије на 15 јули 2016 година, во кој загинаа 251 лице, а 2.734 беа повредени.

Терористичката ФЕТО стои и зад долготрајната кампања за соборување на државниот поредок преку инфилтрација на свои припадници во турските институции, особено во војската, полицијата и во судството.