Abdülhamit Yaşar
19 Февруари 2023•Ажурирај: 20 Февруари 2023
КОЊА (АА) - Алим Акчакаја, имам во местото Бејшехир, близу турскиот град Коња, стави цвеќе од џамијата на аукција, а потоа ги донирал сите средства за жртвите од разорниот земјотрес, јавува Анадолу.
„За да ја подигнеме свеста за пружањето помош и солидарност, одлучивме преку аукција да го продадеме најубавото цвеќе одгледано во нашата џамија и сите средства да ги донираме за жртвите од земјотресот. Цвеќето го добива оној што ќе понуди најмногу“, напиша на социјалните мрежи имамот на џамијата „Топал Исмаил“ во Бејшехир.
Цвеќето на крајот беше продадено за 21.000 турски лири (над 1.000 евра).
„Додека размислувавме за нашите семејства кои го преживеаја земјотресот, на памет ми дојде моето цвеќе. Го објавив на социјалните мрежи, останатото ви е познато. Нашиот добротвор кој даде најмногу пари на аукцијата и го купи, не го зеде цвеќето, туку го остави на нашата џамија. По ваквата чувствителност и солидарност мислам дека нема болка што ние како народ не можеме да ја пребродиме“, рече Акчакаја.
