Туркије во периодот од јануари до октомври ја посетија 39,6 милиони странски посетители

АНКАРА (АА) - Вкупно 39,6 милиони туристи ја посетија Туркије во периодот од јануари до октомври, што е зголемување за 88 отсто на годишно ниво, покажуваат официјалните податоци објавени денес, јавува Агенција Анадолија (АА).

Министерството за култура и туризам на Туркије соопшти дека за 10 месеци во 2021 година Туркије ја посетиле 21,1 милиони туристи, во 2020 година 11,2 милиони, во 2019 година 40,7 милиони туристи.

Истанбул, најпознатата турска област и најголема по население, е и најпосетената дестинација од странските посетители, која пречека 13,4 милиони туристи од јануари до октомври оваа година.

Следува медитеранскиот туристички центар Анталија со 12,2 милиони посетители, додека Едрене, северозападната област што се граничи со Бугарија и Грција, пречека речиси 4 милиони туристи во првите 10 месеци од 2022 година.

Германците сочинуваат 13,3 отсто од сите посетители со 5,3 милиони, потоа Русите со 4,6 милиони, Британците 3,2 милиони, Бугарите 2,3 милиони и Иранците со 2 милиони.

Доколку на пребројувањето се додадат и турските државјани кои живеат во странство, тогаш 10-месечната бројка достигнува 45 милиони.

Само во октомври, бројот на странски посетители во Туркије порасна од пред една година на 4,8 милиони, надминувајќи го нивото пред пандемијата од 4,3 милиони.

Русија е земја со најмногу посетители во Туркије, 467.814, а потоа следува Германија (746.192 посетители), Велика Британија (388.017), Бугарија (326.429) и Иран (185.945).