Предлог за брак на натпреварувачка патека

МУГЛА (АА) – На шампионатот во мотокрос на Турција, кој се одржа во областа Фетије, во Мугла, натпреварувачот Горкем Јапџаџик, во првото коло од натпреварите во категоријата МХ, на натпреварувачката писта ѝ предложи брак на својата девојка, јавува Anadolu Agency (AA).

По дадениот старт, 26-годишниот спортист заедно со останатите натпреварувачи застана пред публиката. Откако слезе од моторот, клекна и ја повика својата девојка која беше меѓу публиката, велејќи: „Дали прифаќаш да го поминеш животот со мене по овие каменести и земјени патеки? Дали би се омажила за мене?“

По кажаното „да“, од страна на Феза Демир (24) преку микрофон, публиката и персоналот на пистата ја поздрави двојката со аплауз.

По предлогот за брак се продолжи со натпреварувањето.

Феза Демир на новинарите им изјави дека не очекувала ваков предлог за брак и дека тоа било големо изненадување и за неа.

Демир многу посакувала ваков предлог и по исполнувањето на нејзините желби изјави: „Доаѓам на секој натпревар и никаде не се случи ова. Но се случи денес на натпреварувањето во Фетије. Предлогот за брак во една ваква атмосфера за мене беше многу големо возбудување. За нас моторот и мотокросот се многу значајни.“

Феза Демир истакна дека е многу среќна бидејќи доби предлог за брак кој никогаш нема да го заборави.