Првиот авион со хуманитарна помош, кој Туркије го испрати за цивилите во Газа, слета во Египет

АНКАРА (АА) - Првиот авион со хуманитарна помош, кој Туркије го испрати за цивилите во Газа, слета во Египет, пренесува Анадолу.

Информацијата преку соопштение објавено на платформата X ја потврди турската Црвена полумесечина.

Во соопштението се наведува дека во авионот се наоѓа хуманитарна помош што е обезбедена за Газа со поддршка на турските граѓани.

Помошта за жителите на Газа ќе биде доставена со воени авион во соработка на Министерството за национална одбрана на Туркије и турската Дирекција за управување со катастрофи и итни состојби (АФАД).