Кападокија под снежна покривка

НЕВШЕХИР (АА) - Кападокија, во општина Ѓореме, една од најпознатите туристички дестинации во Турција, каде што се спојуваат убавините на природата и историјата, формирајќи еден од најубавите краеви на светот, е прекриена со снежна покривка, јавува Anadolu Agency (AA).

Кападокија се наоѓа на листата на светско наследство на УНЕСКО.

Голем број туристи го искористија времето за да уживаат во зимските радости, фотографирање и правење грутки од снег.

Ченг Меи Линг од Кина не го криеше воодушевувањето од убавините на Кападокија.

„Во Турција сум прв пат. Покрај географските убавини тука се и луѓето, кои се многу гостопримливи. Уживање е да се шета по снегот. Повторно ќе ја посетам Кападокија“, изјави Линг.

Инаку, временските услови дозволуваат на тоа подрачје да може да се вози со балон околу 300 дена годишно. Во градот Ѓореме живеат околу 2.100 жители. Се случува наутро на небото да летаат и до 100 балони. Во секој балон може да се возат до 20 лица. Годишно Кападокија ја посетуваат околу 2,5 милиони туристи.

Додека геолошките движења формираа бели самовилски оџаци, луѓето во текот на историјата оставија траги од сопствените цивилизации, градејќи куќи во карпите и претворајќи ги во ремек-дела на цивилизацијатa.