Индустриското производство во Турција на годишно ниво се зголеми за 8,5 отсто

ИСТАНБУЛ

Календарски прилагоденото индустриско производство на Турција во октомври се зголеми за 8,5 отсто на годишно ниво, објави денес статистичката агенција на таа земја, пренесува Агенција Анадолија (АА).

Сите подиндекси во тој месец го поддржаа индексот, особено секторот на рударство и индустриско производство, покажуваат податоците на Институтот за статистика на Турција (TurkStat).

Индексите на вадење руда и камен и производство се зголемија во октомври за 9,2 отсто на годишно ниво.

Индексот на снабдување со електрична енергија, гас, пареа и климатизација во октомви е зголемен за 3,5 отсто.

Податоците на ТуркСтат покажуваат дека и индустриското производство во земјата на месечно ниво се зголемило за 0,8 отсто.