Извлечени четири исчезнати лица по сударот на рибарски чамец и танкер во Средоземното море

АДАНА

Од Средоземното море на јужниот дел на Турција се извлечени безживотни тела на четири од вкупно пет исчезнати лица при потонување на рибарски чамец по судар со танкер кој пловел со грчкото знаме, јавува Агенција Анадолија (АА).

Турската крајбрежна стража претходно соопшти дека пет лица исчезнале по превртувањето на рибарскиот чамец кој пловел со турското знаме, а дека до потонувањето дошло по сударот со грчкиот танкер кај подрачјето Караташ во Адана.

На местото на несреќата пристигнаа спасувачките екипи, вклучувајќи ги и ронителите, а од кабинетот на гувернерот на Адана е соопштено дека од водата се извлечени четири од вкупно пет исчезнати лица, од потонатото рибарско пловило.