Земјотрес со интензитет од 4,7 степени ја потресе турската област Ван

ВАН

Во подрачјето на Тушба, во турската област Ван, се почувствува земјотрес со интензитет од 4,7 степени, јавува Агенција Анадолија (АА).

Во соопштението што го објави Агенцијата за управување со катастрофи и вонредни состојби (АФАД) на Турција се вели дека во 8:44 часот по локално време, во местото Тушба во областа Ван се почувствувал земјотрес со интензитет од 4,7 степени.

Според информациите објавени во соопштението, во земјотресот нема човечки жртви и не е причинета материјална штета.