Sarp Özer
13 Септември 2021•Ажурирај: 14 Септември 2021
АНКАРА (АА) - Турција му покажа на целиот свет дека ниту туторството, ниту обидите за општествен инженеринг, ниту терористичките организации, ниту пучевите не можат да ја спречат силата на националната волја, изјави денеска турскиот претседател, Реџеп Таип Ердоган, јавува Агенција Анадолија (АА).
Ердоган во обраќањето по повод одбележувањето на стогодишнината од победата во големата Битка кај Сакарја, порача дека ќе се продолжи „да се работи до последен здив за успехот на нашата борба да ја издигнеме Турција над нивото на современата цивилизација на 100-годишнината од нашата Република“ што ќе биде одбележана во 2023 година.
Тој истакна дека Турција во досегашниот напредок наишла на многу препреки што успешно ги надмина.
„Ќе стигнеме до одредиштето на ист начин на којшто дојдовме до денес, надминувајќи многу препреки однадвор и одвнатре“, порача Ердоган.
На свеченоста на одбележувањето на победата кај Сакарја се обратија и турскиот министер за одбрана, Хулуси Акар, и министерот за земјоделство и шумарство, Бекир Пакдемирли.
