Ердоган: „Туркије нема да покаже милост кон оние кои се обидуваат да ја поделат државата“

АНКАРА (АА) - Турскиот претседател Реџеп Таип Ердоган денеска изјави дека Туркије нема да дозволи никој да го има за цел суверенитетот на земјата, јавува Агенција Анадолија (АА).

„Нема да покажеме милост кон оние кои се обидуваат да ја поделат нашата татковина и да ја уништат нашата држава“, рече Ердоган на церемонијата по повод 951-годишнината од победата на Малазгирт.

Говорејќи на настанот во источната област Мус, Ердоган рече дека Туркије нема да толерира никаков напад кој ја има за цел слободата на земјата.

„Не повредивме ниту еден невин човек додека се боревме на терен и дејствуваме со оваа чувствителност“, додаде тој.

- Битката кај Малазгирт

Ердоган рече дека Малазгирт го симболизира отворањето на Портата на Анадолија за Турците, која, како што рече, „никогаш повеќе нема да биде затворена“.

„Никогаш нема да го заборавиме Малазгирт, никогаш нема да дозволиме да биде заборавен, секогаш ќе го одржуваме жив во нашите срца и умови“, додаде тој.

Турската контрола врз Анадолија започна со Битката кај Малазгирт, позната и како Битката кај Манцикерт, на 26 август 1071 година, во која Турците Селџуци предводени од султанот Алпарслан ја поразиле многу поголемата византиска војска.

Победата го забрза падот на Византиската Империја и доведе до населување на повеќе Турци во регионот, отворајќи го патот и за Отоманската Империја и за модерна Република Турција.

Со векови подоцна, странската окупација ја поттикна Војната за независност на Туркије во 1919 година, во која турските сили - предводени од Мустафа Кемал Ататурк - на крајот ги протераа освојувачите од Анадолија.

До крајот на 1922 година, сите странски сили ги напуштија териториите, кои една година подоцна станаа дел од Република Туркије.