Ердоган: „Парламентот треба наскоро да очекува нови реформски пакети“

АНКАРА (АА) - Турскиот претседател Реџеп Таип Ердоган денеска изјави дека турскиот Парламент може да очекува наскоро да добие нови предлози за реформи, јавува Агенција Анадолија (АА).

„Наскоро ќе започнеме да доставуваме нови реформски пакети за разгледување во Парламентот, кои ќе ги завршиме“, изјави Ердоган пред парламентарната група на владејачката Партија за правда и развој (AK Parti).

Јавноста ќе види „дека овие реформски пакети содржат многу фундаментални и важни регулативи што ќе ја водат нашата земја до 2023 година и понатаму“, додаде тој, осврнувајќи се на 100-годишнината на Република Турција.

Убедливите реформи „ќе ја подготват Турција за иднината во широко подрачје од основните права и слободи до зајакнување на климата за економска доверба“, рече Ердоган.

„Следејќи ги реформите што ги спроведе од доаѓањето на власт во 2002 година, со овие нови реформи АК партијата ќе преземе дополнителни чекори“, истакна турскиот претседател.

„Нашите подготовки за нашите правни и економски реформи, кои ги сметаме за нераскинлив дел од промените и развојот, во голема мера се обликувани“, додаде тој.

Ердоган изјави и дека по разгледувањето на реформите од страна на Централниот извршен одбор на партијата, сеопфатните предлози за реформи наскоро ќе бидат објавени во јавноста.

Минатата година, меѓу промените во економската администрација на Турција, раководството на нацијата вети понатамошни економски и правни реформи, како и реформи во правата и слободите, за да ја однесе земјата напред.