Ердоган и Путин разговараа за стратегиските проекти и целите во трговијата

ИСТАНБУЛ (АА) – Претседателот на Туркије Реџеп Таип Ердоган и рускиот претседател Владимир Путин денес разговараа за билатерални и глобални прашања во Астана, главниот град на Казахстан, каде што се собраа лидери по повод самитот на Шангајската организација за соработка, јавува Анадолу.

„Имаме разговори (со Русија) за нуклеарната централа 'Синоп', верувам дека можеме да преземеме сериозни чекори по тоа прашање“, рече Ердоган, мислејќи на планираната електрана во турскиот Црноморски Регион. Тоа ќе биде втора нуклеарна централа во Туркије, по онаа во Јужна Туркије, нејзина втора централа изградена преку партнерство со Москва.

Турскиот претседател изрази уверување во постигнувањето на амбициозната цел за обемот на трговската размена од 100 милијарди долари, наведувајќи го силниот потенцијал за унапредување на билатералните односи.

Путин, од своја страна, рече дека „и покрај сите предизвици, односите меѓу Русија и Туркије напредуваат чекор по чекор“.

Тој го истакна напредокот во заедничките „стратегиски проекти“ и рекордните бројки во туризмот, со 6,7 милиони руски туристи што ја посетија Туркије минатата година.

Ердоган го покани Путин да ја посети Туркије, а рускиот претседател ја потврди својата намера за реализирање на посетата во блиска иднина.

Електраната „Синоп“ е планираната нуклеарна централа во Синоп во регионот на Црното Море во Туркије.

Таа треба да биде втор проект на земјата на полето на нуклеарната енергија, по нуклеарната централа „Акују“ во Мерсин, Јужна Туркије, која моментно ја гради Русија.