Esra Tekin
23 Април 2024•Ажурирај: 24 Април 2024
АНКАРА (АА) - Претседателот на Република Туркије, Реџеп Таип Ердоган, го спореди израелскиот премиер Бенјамин Нетанјаху со нацистичкиот лидер Хитлер, велејќи дека ниту тој ниту неговите соучесници нема да побегнат од одговорноста, јавува Анадолу.
Ердоган одговараше на прашања на новинарите во претседателскиот авион на враќање од Багдад, каде се сретна со највисоките ирачки претставници, а една од важните теми на контактите во Багдад секако беше борбата против тероризмот, поточно против терористичката организација ПКК.
„За развојната визија на Ирак и безбедноста на меѓународните инвестиции, важно е овие терористички јами да се срамнат. Ќе го уништиме тероризмот на овој или оној начин, решителни сме. Никогаш нема да им го оставиме теренот на оние кои маршираат со тероризам и терористичките организации и да ги користат како алатки“, рече Ердоган и додаде:
„Терористичката организација ПКК/ПЈД/ЈПГ е закана за стабилноста, развојот и мирот на Ирак. И во интерес на Ирак е да ја елиминира оваа закана.“
Ердоган одговараше и на прашања за Газа, велејќи дека Туркије прави сѐ што е во нејзина моќ за да ѝ помогне на Газа.
„Израелската окупација на Газа ќе ја отвори вратата за нови окупации, а нејзиното отворање за населување на израелски терористи ќе го направи Израел уште поагресивен. Ќе продолжиме да се обидуваме да најдеме решение“, рече Ердоган.
Турскиот претседател рече дека некој може да ја игнорира оваа тема, да заборави, но дека Туркије не може да има таков став.
„Ние сме како нокт и месо со нашите палестински браќа. На нив им се нанесува болка и никој не треба да мисли дека спиеме мирно. Ќе продолжиме да ја откриваме вистината и да зборуваме за убиствата на Израел. Хитлер, на ова време Нетанјаху, и неговите помагачи нема да можат да избегаат од одговорноста и правдата“, нагласи Ердоган.
Тој потсети дека Туркије испратила околу 45.000 тони помош за Газа и ќе продолжи да го прави тоа. Анкара никогаш не ги остава на мира своите палестински браќа и сестри.
„Доколку исламскиот свет не се разбуди од потресите предизвикани од масакрите во Газа, кои се класифицирани како геноцид, тој е во опасност целосно да ги загуби своите рефлекси“, предупреди Ердоган.
Тој потсети дека Туркије испратила околу 45.000 тони помош за Газа и ќе продолжи да го прави тоа. Анкара никогаш не ги остава сами своите палестински браќа и сестри.
