Ердоган во Анкара оствари средба со пакистанскиот премиер Шариф

АНКАРА (АА) - Турскиот претседател Реџеп Таип Ердоган денеска го прими пакистанскиот премиер Шехбаз Шариф во Анкара, главниот град на Туркије, јавува Анадолу.

Како што објави Кабинетот на турскиот претседател, Ердоган и Шариф одржаа состанок зад затворени врати во претседателскиот комплекс.

За време на посетата на Туркије, Шариф ќе ја посети и областа погодена од разорните земјотреси и ќе разговара со пакистанските тимови за пребарување и спасување распоредени во регионот.

Шариф беше меѓу светските лидери кои разговараа со Ердоган на 6 февруари по двата разорни земјотреси што ја потресоа јужна Туркије, во кои загинаа повеќе од 36.180 луѓе.