Дванаесет терористи на ПКК приведени во југоисточна Турција

ГАЗИАНТЕП

Најмалку 12 припадници на терористичката организација ПКК се приведени во југоисточна Турција, велат безбедносни извори, јавува Агенција Анадолија (АА).

„Тие беа фатени во неколку рации извршени во Газиантеп како дел од истрагата започната од страна на канцеларијата на јавниот обвинител“, велат извори, кои зборуваа под услов да останат анонимни.

„Осомничените се бараат поради вмешаност во активности на пропаганда за терористичката организација ПКК“, додаваат изворите.

ПКК е сепаратистичка организација што се наоѓа на списокот терористички организации во Турција, Европската Унија и во САД. За време на тридецениската терористичка кампања против Турција, терористите на ПКК убија најмалку 40.000 луѓе.