Главниот уредник за светски јазици на Агенција Анадолија: „Целта ни е да ги дешифрираме лажните вести“

ИСТАНБУЛ (АА) - Главниот и одговорен уредник за светски јазици на Агенција Анадолија (АА), Ерман Јуксел, истакна дека лажните вести се шират побрзо со дигитализацијата, и дека целта на АА е да ги дешифрира лажните вести.

На дводневниот Медиумски самит Турција - Африка кој се одржува во Истанбул, свои обраќања имаат истакнати претставници на различни медиуми, меѓу кои и ТРТ (TRT), Агенција Анадолија (Anadolu Agency) „Дејли сабах“ (Daily Sabah), „ГНЕЦ Медија“ (GNEC Medya), „МСГ Медија“ (MSG Medya) и „Стандард груп“ (Standard Group), кои говорат за предизвиците со кои се соочуваат во новинарството по пандемијата.

Главниот и одговорен уредник за светски јазици на АА, Јуксел, имаше свое обраќање на самитиот, од каде што порача дека со дигитализацијата доаѓаат и различни компликации, а првата компликација се токму лажните вести.

Јуксел нагласи дека лажните вести се шират побрзо со дигитализацијата: „Што се однесува до прашањето за брзото ширење на лажните вести; без разлика од кое ниво на образование доаѓате, доколку информацијата и идеологијата што ви е понудена, се совпаѓа со вашата идеологија и вашиот став кон светот, тогаш тоа го прифаќате без да го преиспитувате многу. Постои ваков проблем.“

Меѓу другото, тој истакна дека новинарите имаат некои должности во врска со лажните вести и дезинформациите.

„Сакам накратко да се осврнам и на активностите на Агенција Анадолија. Нашиот генерален директор секаде ја нагласува важноста на ова. Агенција Анадолија формира линија на проверка на факти, создава нова платформа. Нашата цел тука е да ги откриваме и дешифрираме лажните вести и да ги откриваме процесите на формирање лажна вест“, рече тој.

Нагласи дека тоа што со пандемијата е забележан пад во квалитетот на содржините, претставува проблем за новинарството.

Tој истакна дека Агенција Анадолија е главниот извор на вести, и дека АА вестите до светот ги пренесува од своите новинари во Турција и во различни места во светот, односно од местото на настанот.

Исто така, Јуксел нагласи дека АА ја има зголемено бројката на своите содржини во врска со Африка, и дека Одделот за анализи, почнувајќи од оваа недела, ќе објави осум различни содржини во врска со односите меѓу Турција и Африка.