Во Турција запленет примерок на Тевратот стар седум века

МУГЛА (AA) - Во подрачјето на Сејдикемер, во турската област Мугла, е запленет позлатен примерок на Тевратот (Тора) испишан на срнечка кожа, пренесува Anadolu Agency (AA).

Жандармерските тимови стапија во контакт со криумчарите кои сакаа да го продадат Тевратот, за кој се претпоставува дека е стар седум века.

Припадниците на безбедносните сили со осомничените договориле цена од 7,5 милиони лири (околу 1,64 милиони евра) и договориле средба на брегот.

Во акцијата се приведени четири лица, а примерокот на Тевратот е запленет.

Потоа, едно од лицата е уапсено за криумчарење, додека останатите се ослободени со изречени мерки на забрана.

Книгата е предадена во Музејот во Фетије на понатамошно процесуирање.