Ekipa
01 Март 2020•Ажурирај: 02 Март 2020
МУГЛА (АА) - Весник во Британија како земја безбедна за одмор од аспект на заканата од новиот тип на коронавирусот (Ковид-19), ја препорача Турција, пишува Агенција Анадолија (АА).
Британскиот весник „Дејли експрес“ (Daily Express) објави текст во кој на читателите кои сакаат велигденските празници да ги поминат некаде на одмор, им ја препорача Турција како земја во која не е присутна заканата од коронавирусот.
Областа Мугла, покрај природните убавини поседува и хотелски сместувања на високо ниво, што е причина секоја година голем број странски туристи својот одмор да го поминат во овој дел на Турција. Минатата година најголемиот број туристи што ја посетија Мугла беа од Велика Британија.
Областа Мугла во која се наоѓаат значајните дестинации како што се Мармарис, Бодрум, Фетије, е едно од најпопуларните туристички места на Британците. Некои од нив кои биле на одмор во областа Мугла, следните години при повторната посета обично се сместуваат во подрачјето кое го посетиле.
Минатата година бројот на туристи кои ја посетија Мугла изнесуваше 3 милиони, 266 илјади и 650 гости, што претставува зголемување од 16 отсто во однос на 2018 година.
- „Во Турција на дофат на раката им е сѐ што ќе посакаат“ -
Генералниот секретар на Здружението на хотелиери на Бодрум, Орхан Кавала, за АА изјави дека е многу позитивно тоа што коронавирусот не е регистриран во Турција.
Кавала истакна дека Турција е една од малкуте држави во која не е забележан коронавирусот и затоа претставува земја во која безбедно може да се помине одмор, што е многу добро за турскиот туризам.
Изјавувајќи дека Британците досега во Турција многу комотно можат да посегнат по сѐ што ќе посакаат, Кавала рече „Британците со години како место за одмор ја избираат Турција бидејќи тука многу лесно наоѓаат сѐ што ќе посакаат. Тука добиваат секаков вид услуга, искреност, добра волја, насмеани луѓе и пријателски пристап.“
- „Не само Велигден, целата сезона ќе ја поминеме добро“ -
Претседателот на Претставничкиот одбор за регионот на Мармарис при Турската асоцијација на туристички агенции, Суат Есин, изјави дека се гордее што Турција се наоѓа на првите места како земја која се препорачува за одмор.
Истакнувајќи дека доколку се продолжи со истата прецизност и педантност, Есин рече дека тоа би значело многу позитивен развој на настаните во туризмот, и додаде „Министерот за здравство спроведува многу добри активности. Добро работи. Не само за Велигден, целата сезона добро ќе ја поминеме. Има зголемување на резервациите. Тоа што сме земја безбедна за одмор уште повеќе ќе ги зголеми резервациите.“
Булент Булбулоглу, претседателот на Асоцијацијата на туристички хотелиери и оператори за подрачјето на Јужен Егеј, изјави дека подрачјето на Мармарис е најпопуларна дестинација за Британците.
Посочуваји дека Мармарис е подрачје кое не се соочува со глобалните проблеми, Булбулоглу рече дека Турција е безбедна од секој аспект. „Ги очекуваме сите Британци и сите оние кои сакаат да уживаат во убавините на овој дел на Турција. Знаеме дека постои голем интерес“, додава тој.
- „Се враќаат восхитувајќи се од Турција“ -
Џули Милер Дели, британска државјанка која веќе 20 години живее во Фетије, изјави дека е вљубена во Турција и постојано ги кани своите британски роднини и пријатели во Турција.
Роберт Фелпс веќе 13 години живее во Фетије, каде што дошол на одмор и повеќе не се разделил од Фетије. Тој истакна дека Турција од аспект на историјата и природните убавини е величенствено место.
„Моите пријатели и роднини од Велика Британија кои првпат доаѓаат во Турција си заминуваат восхитувајќи се од Турција“, рече Фелпс.
